9 ulteriurs posts da visums vegnan averts. Quai ha l'ambassadur da la China confermà avant curt al president da la Confederaziun Johann Schneider-Ammann.
Entant è la situaziun la suandanta: En China existan 6 posts en citads grondas nua che la populaziun da la China po ir a far la dumonda per in visum. Quest visum dovran els per far vacanzas en Svizra. Per blers Chinais munta quai ch'els ston far lungs viadis, mo per vegnir ad in visum.
Perquai haja Johann Schneider-Ammann fatg la dumonda a l'ambassadur da stgaffir dapli posts en las grondas citads. Quai vegn uss ad esser il cas.
Gia quest'emna hajan avert 2 biros, 4 ulteriurs suondan fin la fin da quest mais ed ils auters 3 fin la fin da fanadur.
Engiadina San Murezzan vegn betg a midar strategia
Quai èn fitg bunas novitads, di il pledader da la destinaziun turistica Engiadina San Murezzan. Els elavuran gia dapi onns il martgà Chinais e vegnan a far quai vinavant e quai medem sco fin uss. Il fatg che dapli biros per visums avran laschia crescher il potenzial èn il martgà. Uss ston ins mo pli attrair ils turists.
RR actualitad 17:00