Possessura dal Chastè da Tarasp è dapi il 2004 la famiglia Hessen. Quella vuleva vender oriundamain l’edifizi istoric per 60 milliuns francs. Cunter quella intenziun è l’anteriura vischnanca da Tarasp sa dustada ed ha fundà l’onn 2010 la Fundaziun Chastè da Tarasp per chattar in’autra soluziun.
200’000 francs ad onn
Cun l’interess da cumpra da Not Vital che vul duvrar il Chastè da Tarasp sco lieu per inscunter culturals internaziunals, restass ils chastè vinavant accessibel per mintgin. La gestiun duess vegnir manada da la fundaziun Chastè da Tarasp e la vischnanca fusiunada da Scuol duess sa participar als custs da mantegniment e da gestiun cun maximalmain 200’000 francs l’onn.
Evitar pretsch da fantasia
Plinavant survegniss Scuol il dretg da precumpra ad in pretsch limità fin l’onn 2040. Uschia è garantì ch’il chastè na possia betg vegnir vendì per in pretsch da fantasia, ha declerà il president communal da Scuol, Christian Fanzun.
