Siglir tar il cuntegn

Engiadina Polizia infurmescha suenter pliras infracziuns

Suenter ch’igl è vegnì rut en pliras giadas en la Val Müstair, en la Bregaglia ed en il Puschlav ha la polizia chantunala fatg trais sairadas d’infurmaziun per prevegnir ad enguladitschs.

Legende: Video Polizia chantunala infurmescha a la populaziun abspielen. Laufzeit 2:42 Minuten.
Or da Actualitad video dals 27.08.2015.

La populaziun è vegnida infurmada pertutgant la prevenziun e la collavuraziun cun la polizia. Sco quai ch’il schef da la polizia chantunala Engiadina, Marco Steck, ha declerà, saja ina collavuraziun tranter la polizia e la populaziun da grond impurtanza.

Sper la protecziun da l’agen possess, saja quai impurtant da infurmar immediatamain a la polizia sch’ins fa observaziuns dubiusas. Pli gugent telefonar ina giada memia bler sin il 117, che ina giada memia pauc. Quai è il facit da quellas sairadas.