Siglir tar il cuntegn

Header

Navigaziun

Lader avra ina fanestra
Legenda: Dus dals laders da la Bregaglia ha la polizia arrestà. Keystone
cuntegn

Engiadina Polizia ha arrestà suspectads

En connex cun ils enguladitschs da mardi passà en la Bregaglia ha la polizia chantunala grischuna arrestà dus umens suspectads. Ina terza persuna sajan anc sin la fugia.

Suenter ils enguladitschs aveva la polizia chantunala fatg controllas da notg ensemen cun il corp da la guardia da cunfin e las autoritads talianas.

En vischinanza dal cunfin talian hajan ins uss arrestà dus umens da 25 onns, oriunds da la Rumenia. Ina ulteriura persuna haja pudì scappar a pè.

Per la populaziun en la Val Bergiaglia è l’arrestaziun in pitschen levgiament. Per la presidenta communala dal comune di Bregaglia, Anna Giacometti, è dentant clar che la criminalitad s’augmenta dapertut e na schanegia era betg la val taliana.

RR novitads 16.00