Siglir tar il cuntegn

Header

cuntegn

Engiadina Pliras ideas per l'areal Trü a Scuol

A la vischnanca da Scuol èn vegnidas inoltradas tschintg ideas per l'areal Trü. Uschia per exempel da mantegnair l’implant da sport, da realisar in hotel innovativ u da far tut insatge auter.

Dapi dus onns è la vischnanca da Scuol a la tschertga da bunas ideas per l'areal Trü. Il mument sa chatta en quest lieu in implant da sport cun in bogn avert.

Il 2015 aveva ina gruppa inoltrà ina petiziun cun la pretaisa da realisar in center per giuventetgna. Il cussegl communal da Scuol aveva alura instradà ina gruppa da lavur ch'aveva da sa fatschentar cun la tematica da l’areal Trü.

I sa tracti da tschintg ideas interessantas e vastas ha communitgà la vischnanca. Duas da quellas propostas pudessan vegnir realisadas senza in sustegn finanzial tras la vischnanca. La gruppa da lavur prevesa da s’inscuntrar la fin d’october per pudair analisar las tschintg ideas, scrivan ils responsabels.

RR novitads 11:00

Artitgels legids il pli savens