Il 2011 aveva il cussegl communal preschentà ina varianta per midar l’aspect da la plazza davant la chasa da scola amez la vischnanca. Ils plans n’han betg plaschì al suveran, uschia che quel aveva sbittà la dumonda da credit.
La suprastanza communala vul suttametter 2 variantas als votants. L’emprima cumpiglia ina simpla sanaziun dal tanc dad ieli cun ina pitschna gulivaziun da la plazza per 150’000 francs. La segunda varianta prevesess da gulivar tut la plazza sin in livel, da circumdar quella cun elements da betun e cun in access per impedids en furma d’ina lindorna.
La radunanza communala decida ils 11 da favrer 2015 in chaussa.