Siglir tar il cuntegn

Header

cuntegn

Plazza aviatica Samedan Gruppas da lavur èn activas

Ina da las duas gruppas da lavur che l'INFRA, la possessura da l’infrastructura da la plazza aviatica a Samedan aveva incumbensà, ha s'inscuntrà oz per l’emprima giada. En occasiun d’in workshop ha la gruppa da lavur che è cumponida da commembers da la gestiun ed utilisaders da la plazza aviatica discutà davart la plazza aviatica futura, scriva l'INFRA en sia communicaziun.

Ils participants hajan discutà differents basegns e scenaris. Decisiuns n’haja dà naginas. Ils resultats da quest’emprima sesida duain vegnir integrads en ina segunda sesida, da l’autra gruppa da lavur cun represchentants da la politica, il commerzi ed industria, ed il turissem. La finamira saja d'elavurar in project consolidà e surlavurar ils custs ed ils basegns dal project. Puncts che vegnan adina puspè crititgads. In tal project concret duai esser sin maisa fin tar la proxima sesida da la conferenza da la plazza aviatica, l'avrigl dal 2023.

audio
Per tadlar: las novitads da las 17:00
ord RTR Audio dals 02.12.2022.
laschar ir. Durada: 5 minutas 30 Secundas.

RTR Novitads 17:00

Artitgels legids il pli savens