Siglir tar il cuntegn

Header

video
Plazza aviatica Samedan avess dapli capacitads
Or da Telesguard dals 25.05.2022.
abspielen. Laufzeit 3 minutas 8 Sekunden.
cuntegn

Plazza aviatica Samedan Dapli travasch ch'usità, ma tuttina anc potenzial

Il matg è normalmain in mais quiet sin la plazza aviatica a Samedan en Engiadin’Ota. Quest onn, durant ch’il WEF ha lieu a Tavau, pon ins observar dapli jets a Samedan. Il potenzial fiss però avant maun per anc dapli, sco Christian Gorfer, il schef da communicaziun e finanzas da l'Engadin Airport di. Causa la serrada dal pass dal Flüela, il transit direct da Samedan a Tavau, sa platgan ils aviuns cun ils giasts dal WEF pli gugent ad Altenrhein en il chantun Son Gagl ubain a Turitg. Uschia n’han els betg da viagiar sur in pass per arrivar a Tavau.

audio
Plazza aviatica Samedan avess dapli potenzial durant WEF
aus Actualitad vom 25.05.2022.
abspielen. Laufzeit 3 minutas 6 Sekunden.

Creaziun da valur na resta betg en il Grischun

Tiers vegnia er anc ch’il shuttle cun il helicopter – cun in qual ch'ins fiss en var set minutas da Samedan a Tavau – n’è betg lubì durant la stad. La plazza aviatica a Samedan survegn perquai pliras desditgas d’aviuns annunziads. Cun sviar sin plazzas aviaticas ordaifer il Grischun giaja a perder la creaziun a valur en il Grischun, di Christian Gorfer. Tenor el èsi impurtant da chattar ina soluziun en cas ch’il WEF avess puspè ina giada d’avair lieu da primavaira empè dal schaner.

RTR actualitad 17:00

Artitgels legids il pli savens

Scrollar a sanestra Scrollar a dretga