Siglir tar il cuntegn
cuntegn

Engiadina Plaschair vid la naiv

Per pendicularas, per il campiunadi mundial da skis a San Murezzan e per butias da sport è la naiv da la fin d'emna in regal.

Legenda: Guardar il video L'emprima naiv è crudada. Durada 02:52 minutas.
Or da Telesguard dals 07.11.2016.
ratrac
Legenda: Lavurs da far pista sin il Corvatsch. Corvatsch SA

Radund 20 cm giu en la val e 60 cm sin las staziuns da muntogna. En Engiadina è arrivada la naiv. Relativamain baud èsi damai enviern. Cuntents cun il regal giu da tschiel èn natiralmain las pendicularas. Per exempel la Corvatsch SA che cumenza la stagiun d'enviern ils 19 november. Suenter l'enviern passà fitg difficil cun quasi nagina naiv enfin mez schaner èn ins ussa cuntent che la naiv è arrivada uschia baud. Quai ha ditg il pledader da medias Franco Furger envers RTR.

Corvatsch
Legenda: Sguard da Silvaplauna si vers il territori da skis Corvatsch. RTR/David Spinnler

Era ils organisaturs dal campiunadi mundial da skis a San Murezzan han plaschair vid la naiv dal cumenzament da november. L'atmosfera d'enviern promovia ina buna atmosfera en vista al campiunadi mundial che cumenza ils 6 favrer. Quai ha ditg la pledadra Claudia Jann envers RTR.