Siglir tar il cuntegn
cuntegn

Engiadina Pitschen plus per «Engiadina Scuol Samignun Val Müstair»

La destinaziun «Engiadina Scuol Samignun Val Müstair» ha cuntanschì in pitschen gudogn da radund 60'000 francs per l'onn da gestiun 2016.

Engiadina Bassa
Legenda: La destinaziun «Engiadina Scuol Samignun Val Müstair» ha puspè cifras egualisadas. Andrea Badrutt

La radunanza generala da la destinaziun «Turissem Engiadina Scuol Samignun Val Müstair SA» (TESSVM) ha deliberà il quint per l'onn 2016 cun in pitschen gudogn da 60'000 francs. La radunanza generala da la TESSVM ha gì lieu durant ils dis da clausura da la direcziun e dal cussegl administrativ ils 20 e 21 da zercladur.

Il pitschen gudogn vegn taxà sco success suenter ils onns difficils il 2014 e 2015, nua ch'ì aveva dà in grond deficit per la destinaziun da l'Engiadina Bassa. Il resultat positiv saja stà pussaivel be grazia mesiras da spargn rigurusas e grazia a l'engaschament dal persunal, conferman ils responsabels.

Sfidas per l'avegnir

Cun la nova directura Martina Stadler è la destinaziun ussa londervi da far la planisaziun strategica fin l'onn 2022. En pli duai quai dar anc il 2017 ina nova preschientscha da la pagina d'internet.

RR novitads 17:00