Dapi che mintga pestgadra e mintga pestgader sto absolver in curs per pudair pestgar en in flum u en in lai en il chantun Grischun va l’interess enavos. L'onn 2013/14 han anc 600 persunas fatg la patenta, oz sa participeschan radund 200 persunas als curs.
L’interess è tuttina qua
Pli baud era la pestga oravant tut qua per avair mangiativas. Oz è la pestga in’aventura or en la natira. Il bab prendia il figl u la figlia a pestga. Insumma sa participeschia tut la famiglia a quest'occurenza, uschia il coordinatur responsabel e commember da la suprastanza, Ueli Möller.
Las delegadas ed ils delegads da la 114avla radunanza èn vegnids infurmads sur dals sforzs per gudagnar novs pestgaders. Era davart exempels co ina societad locala collavura exemplaricamain per animar giuven e vegl da sa participar als curs per lura pudair giudair la pestga a l'ur da l’aua dal flum u d'in lai.
Radi Hofstetter nov president
A la radunanza da delegads è Radi Hofstetter vegnì elegì sco nov president da l'Uniun da pestga grischuna. El è da Favugn e succeda a Ruedi Gerhard ch'ha stuì sa retrair pervia da la limitaziun d'uffizi suenter 15 onns.
RR actualitad 07:00