Siglir tar il cuntegn

Header

las cabinas da la Pendiculara Scuol SA
Legenda: las cabinas da la Pendiculara Scuol SA RTR, Georg Luzzi
cuntegn

Pendicularas Scuol SA La stagiun d’atun n'è betg lucrativa ma impurtanta

Sulettamain l’aura decida quants giasts che van a viandar sin la muntogna.

Ils lareschs midan colur, la natira sa prepara sin l’enviern, la vista sin las muntognas cun naiv è fascinanta – quai è il motiv principal ch'ils giasts prendan la pendiculara.

Per il directur da las Pendicularas Scuol SA, Andri Poo, vegn l’atun ad esser adina pli impurtant per l’Engiadina Bassa, oravant tut en colliaziun cun las ulteriuras purschidas da la regiun sco per exempel per il Bogn Engiadina.

Finanzialmain betg propi interessant

Sulettamain 6% da tut la svieuta fan las pendicularas durant il temp da stad ed atun. Ma tuttina: L'ir cun mountainbike ed il chaminar en muntogna vegnan adina pli impurtants per las regiuns da skis, manegia Andri Poo.

Il Svizzer vegn en vacanzas

El constatescha oravant tut duas gruppas da giasts che vegnan a Scuol durant l’atun: Quai èn ils pensiunads, ma era famiglias cun uffants, grazia a las vacanzas da scola.

RR actualitad 07:00