Siglir tar il cuntegn

Engiadina Pendicularas da Samignun han patì ferm pervia dal franc svizzer

Las entradas en francs svizzers da las pendicularas da Samignun per l’onn da gestiun 2014/2015 èn sa sminuidas per 4,4 % sin 25,3 milliuns francs.

La cabina dubla da las pendicularas Samignun
Legenda: Samignun La cabina dubla da las pendicularas Samignun. mad

Il cashflow è sa sbassà perfin per 16% sin 4,2 milliuns francs. La raschun per quest regress è l’aboliziun dal curs minimal dal franc svizzer envers l’euro. Perquai che Samignun ha ina cuminanza da tariffa cun Ischgl vegn il quint manà per gronda part en euro.

Las entradas en euro percunter èn s’augmentadas per 3.4 %. Er las entradas dals giasts èn s’augmentadas per 2,6%. Uschia che senza il curs da valutas estras, avessan las pendicularas Samignun gì in bun onn da gestiun.

RR novitads 11:00