La Pro Engiadina Bassa PEB serra giu il quint 2014 cun in deficit. Cun expensas da var 3,5 milliuns francs resulta in deficit da 1,52 milliuns francs. Quel vegn reparti sin las 4 vischnancas Samignun, Valsot, Scuol e Zernez.
Quest resultat è per bunamain 140’000 francs pli bass che budgetà. Oravant tut tar il rument èn ils custs stà pli bass che quai che la PEB aveva spetgà. In meglier quint che spetgà hai era dà tar la promoziun da l’economia e tar la scola da musica.
