Siglir tar il cuntegn
cuntegn

Engiadina Paucs «ps» dentant ina grondischma passiun per oldies

Per la segunda giada han amaturs da tractors organisà in inscunter dad oldtimers en Engiadina. Bun 80 participants han manischà lur preziusas maschinas sin Plaz a Zuoz per las metter en parada. Suenter vegn festegià sin il bain puril Gabriel a S-chanf la reuniun che sa repetta mintga dus onns.

mat sin tractor
Legenda: Simon Gabriel sa legra cura ch'el po manischar sez il tractor. RTR, Anna Caprez

Durant la preschentaziun dals vehichels han ils visitaders pudì contemplar ils numerus Hürlimanns, Fendts e Bührers en parada. Mintga tractor ha gì dad esser almain 25 onns vegl per vegnir numnà oldtimer.

Per il grond inscunter en Engiadina han ils possessurs preparà e decorà lur tractors cun gronda premura.

Lungs viadis sin vias lateralas

Per esser da la partida èn plirs amaturs da tractors perfin viagiads durant dus dis fin en Engiadina cun lur vehichels. Per ils organisaturs che han fundà avant dus mais la societad Almatrak.ch , il link avra en ina nova fanestraè il success dal segund inscunter in bun rebumb per tut las fadias ed uras per organisar tut, ha declerà Jachen Vonzun.

Festa e star da cumpagnia

La dumengia ha la societad envidà ad in star da cumpagnia cun in cult divin ed ustaria. La data per il proxim inscunter che ha lieu mintga dus onns è gia enconuschenta. La terza ediziun da l’inscunter dad oldtimers da tractors è ils 19 da zercladur 2019.