Siglir tar il cuntegn

Header

audio
Blers passlunghists en Engiadina
Or da Actualitad dals 31.12.2020.
laschar ir. Durada: 1 minuta 58 Secundas.
cuntegn

Passlung Bler travasch sin las loipas en Engiadina

Las loipas da passlung en Engiadina èn fitg dumandadas quest enviern. Las loipas èn numnadamain in dals lieus, nua ch’i dat be paucas restricziuns pervi da la pandemia da corona. Ma er sch’igl ha blers passlunghists en gir, na vesan els nagin problem sin la loipa. Grazia a la blera naiv ch’igl ha dà il cumenzament da december han quellas numnadamain pudì vegnir preparadas fitg largias, uschia ch’ins po tegnair en bain la distanza.

Damain giasts internaziunals

Tenor Simon Willy, vendider dals bigliets da loipas, èn quest enviern en gir circa uschè blers passlunghists sco er ils auters onns. El bada oravant tut ch’ils turists dal di che vegnan normalmain si la damaun da l’Italia e turnan la saira manchian quest onn. Tenor el hai però dapli Svizzers sin las loipas.

RTR actualitad 08:00

Artitgels legids il pli savens