Siglir tar il cuntegn
Inhalt

Engiadina Pass giuridics encunter il Circul d’Engiadin’Ota

L’ultima decisiun dal Circul da l’Engiadin’Ota da transfurmar l’ospital da Samedan e la Chasa da tgira Promuliuns en ina fundaziun, cuntrafetschia a la veglia dal pievel e na saja betg acceptabla. Da quest avis èn las fracziuns da la PLD, la PCD e la PPS dal cussegl da vischnanca da San Murezzan.

Ospital da Samedan
Legenda: Tenor las fracziuns da la PLD, la PCD e la PPS dal cussegl da vischnanca da San Murezzan n'è la fatschenta betg stada chaussa dal circul. RTR, David Spinnler

Betg pli chaussa dal circul

Il Circul d’Engiadin’Ota che vegn schlià sì na saja gnanc pli stà responsabel per questa fatschenta, uschia las fracziuns. En il messadi decis dal pievel tutga quai en la cumpetenza da las vischnancas pertutgadas.

La versiun dals statuts decidida sa differenzieschia plinavant fitg da la versiun da las vischnancas ch’il pievel ha approvà. Cun quest agir haja la suprastanza dal circul e la cumissiun da l’ospital zappitschà la veglia dal pievel cun ils pes.

Ellas pretendan perquai che la suprastanza communala examineschia ed instradeschia pass giuridics envers questa decisiun.

RR novitads 12:00