Siglir tar il cuntegn

Header

Navigaziun

cuntegn

Parc Naziunal Svizzer Dapli glieud sin las sendas, pli paucs en il center

L'onn passà han enturn 120'000 persunas visità il Parc Naziunal Svizzer. Quai tenor il rapport annual. En ils ultims otg onns saja mo l'onn 2015, durant l'onn da giubileum, stadas dapliras persunas en il parc. Ils pli blers èn stads en la Val Trupchun.

Ils 120'000 visitaders èn dentant mo ina calculaziun approximativa. Ils dumbraders automatics en il parc han atgnamain mo dumbrà var 94'000. Ma cun quai che betg mintga senda ha in apparat, po ins quintar ch'il dumber è pli aut.

Regress tar il center da visitaders

Entant ch'ils visitaders han gì gust da las sendas e la natira, è il center da visitaders a Zernez stà pli vid. 14'800 persunas han l'onn 2018 visità l'exposiziun, in regress da bunamain 20%.

Per survegnir puspè daplirs visitaders vul il Parc Naziunal Svizzer adattar l'exposiziun permanenta. Quella datti schon dapli sur 11 onns.

RR novitads 16:00