Siglir tar il cuntegn
cuntegn

Engiadina Parasguladers stgatschan la selvaschina

A Puntraschigna duai quai dar ina maisa radunda cun parasguladers e guardiaselvaschina per discutar ils disturbis tras sgols.

Puntraschigna ord optica d'in parasgulader
Legenda: Puntraschigna, ord l'optica d'in parasgulader. Romano Salis

La suprastanza communala da Puntraschigna vul metter perina ils guardiaselvaschina ed ils parasguladers ad ina maisa radunda. Cura che quella maisa radunda ha lieu n'è anc betg definì, ha ditg la vischnanca.

La maisa radunda duai manar ad ina soluziun en enclegientscha. Seser vid la maisa radunda duain represchentants dals guardiaselvaschina, dals parasguladers e da las vischnancas da Puntraschigna e Samedan.

Disturbis en la zona da repaus

Ils guardiaselvaschina han annunzià a la vischnanca observaziuns, tenor quella la selvaschina mitschia ord la zona da repaus tranter Muottas Muragl ed il Piz Albris, numnadamain ord las zonas da Munt da la Bes-cha, Las Sours, Val Languard ed Albris.

Tenor ils guardiaselvaschina èn adina dapli sgols da parasguladers il motiv per la fugia. Surtut capricorns mitschian. La proposta da discutar la problematica vid ina maisa radunda cun in expert neutral vegn da la Societad svizra da parasguladers.