Siglir tar il cuntegn

Engiadina «…Oz è Chalandamarz!»

L'usit dal Chalandamarz vegn festivà mintg'onn l'emprim da mars en Engiadina ed en Surses, ma en ina furma sumeglianta era en il Puschlav e la Bregaglia.

Legende: Video Chalandamarz a Zuoz – plumpas e stgellas abspielen. Laufzeit 1:00 Minuten.
Or da Actualitad video dals 01.03.2016.
Legende: Video Chalandamarz a Scuol – Concurrenza da schlops da giaischlas abspielen. Laufzeit 1:12 Minuten.
Or da RTR dals 01.03.2016.

Ils uffants fan l'emprim da mars il til tradiziunal cun plumpas, brunsinas, zampuns, scrollas e giaischlas tras il vitg. Il senn da l'usit è da stgatschar l'enviern. Mintga vischnanca ha sias atgnas tradiziuns. Uschia na tunan era betg las melodias da las chanzuns da Chalandamarz nagliur medemamain.

Differenta vestgadira, fimar

Era las blusas blauas cun la chapitscha cotschna na vala dapertut sco mandura da Chalandamarz. En bleras vischnancas engiadinaisas nua che las mattas sa participeschan era al til, vegn decorà bler cun rosas da palpiri. Ils scolars ils pli vegls organiseschan tut la festa da Chalandamarz ed èn era ils patruns da quella. En singuls vitgs dastgan els perfin fimar.

Legende: Video Chalandamarz a Zuoz – mats chantan avant partenza abspielen. Laufzeit 0:54 Minuten.
Or da RTR dals 01.03.2016.

Festa per uffants e creschids

Dentant che la festa da Chalandamarz è ina festa per ils uffants, è l’usanza a Zuoz era in di d’elecziun. Adina l’emprim da mars elegia la populaziun ils differents candidats per las instanzas politicas.

«Chalandamarz, chaland’avrigl...»

L’usanza da Chalandamarz è ina veglia restanza dal temp dals Romans cur ch'il mars era l’emprim di dal chalender giulian. Cun il il ritual pajaun vul ins stgatschar ils nauschs spierts da l’enviern e clamar uschia la primavaira. Part da quella usanza èn prest dapertut tils ed in bal la saira.