Siglir tar il cuntegn
cuntegn

Engiadina Ovras Electricas d'Engiadina vinavant sut squitsch

Cumpareglià cun il 2015 ha la societad nudà 400'000 francs pli pauc gudogn il 2016.

Ovra electrica.
Legenda: L'OEE a Scuol. Keystone

L'onn da fatschenta passà è il gudogn sa reducì sin 1,8 milliuns francs, l'onn avant era quai anc 2,2 milliuns. Cun 1,3 milliardas uras kilowatt electricitad saja la producziun stada levamain sut la media. Quai ha communitgà la societad.

Damain dividenda

Malgrà ch'ins haja pudì tegnair il pretsch per ura kilowatt sut 5 raps saja la situaziun per ils acziunaris pauc legraivla. Pervi da la pressiun sin il pretsch al martgà liber na saja betg pussaivel da vender l’energia cun gudogn. En consequenza ston ils acziunaris er quintar cun ina dividenda pli pitschna che l'onn avant.

RR novitads 14:00