Siglir tar il cuntegn

Header

video
Novitad: Midament dal consorzi da fabrica GKI
Or da Telesguard dals 09.01.2017.
laschar ir. Durada: 40 Secundas.
cuntegn

Engiadina Ovra idraulica sur cunfins mida consorzi da fabrica

Amez la fasa da construcziun da l’ovra idraulica En (GKI) ha da vegnir midà consorzi da fabrica: Il consorzi actual Hochtief Infrastructure GmbH e la patruna da fabrica GKI GmbH han decidì da schliar lur contract da collavuraziun.

L’ovra idraulica GKI

Avrir la box Serrar la box
  • è in'ovra da flum communabla da las Ovras dal Tirol TIWAG (76%), las Ovras Electricas d'Engiadina (14%) ed il Verbund (10%)
  • ha sco part principala ina galaria sutterrana da 23,2 kilometers ( da Martina/CH enfin a Prutz/A)
  • duai custar 461 milliuns euro
  • duai prestar 400-450 gigawatturas/onn (tant sco consum d'electricitad per ca. 90’000 chasadas/ onn)

Per la construcziun da l’ovra idraulica da flum en l’En tranter Martina e l’Austria dovra quai uss a curta vista in nov consorzi da construcziun. En ina communicaziun annunzia la patruna da fabrica, la GKI GmbH, ch’il contract cun l’interpresa da fin qua, la Hochtief Infrastructure GmbH da Minca, è vegnì abolì. Quai saja succedì surtut pervi da problems geologics betg previs ed ils retards, ch’èn sa resultats, scrivan la GKI Gmbh.

Davart ils detagls da la finiziun dal contract hajan las duas partidas decidì, da betg communitgar. Ussa planisescha la GKI GmbH, da manar vinavant las lavurs da perfuraziun la primavaira 2017 cun in auter consorzi da fabrica.

L’emprima badigliada per l’ovra idraulica communabla GKI è stada ils 14 da november 2014. Igl è planisà da duvrar l’ovra a partir da la fin 2019/ cumenzament 2020.

RR actualitad 15:00

Artitgels legids il pli savens