Siglir tar il cuntegn
cuntegn

Engiadina Ovaverva cun 172'000 giasts en l'emprim onn

L'emprim onn da gestiun dal bogn cuvert e center da sport Ovaverva a San Murezzan è gartegià. Sco las medias èn vegnidas orientadas correspundia il concept apparentamain als basegns da turists ed indigens.

Il center da sport Ovaverva.
Legenda: Il bajetg cun in bogn cuvert, in spa ed in center da sport. Ovaverva, Daniel Martinek

En tut hajan passa 170’000 persunas fatg diever da la purschida dal bogn cuvert, spa e center da sport. Quai saja dapli che quai ch'ins aveva spetgà. En media hajan 472 persunas visità mintga di il center Ovaverva. Dis da record hajan ins era registrà fin a 2’000 persunas.

Il center saja vegnì frequentà durant ils mais da stad da mal’aura e cunzunt durant ils mais d’atun ed enviern.

Center dat novs impuls per turissem e sport

Per la construcziun nova aveva la vischnanca San Murezzan investì 66,59 milliuns francs. Quai è stà ina da las grondas investiziuns dapi blers onns. Tenor la communicaziun da medias dettia l'edifizi novs impuls per il turissem e per gronds eveniment sportivs en la regiun. Il center Ovavevra era vegnì avert oz avant in onn.

RR novitads 12:00