Siglir tar il cuntegn

Header

video
Quietezza avant il stemprà - ospitals engiadinais èn preparads
Or da Telesguard dals 24.03.2020.
laschar ir. Durada: 3 minutas 26 Secundas.
cuntegn

Ospital Engiadina Bassa Scuol Il persunal è la basa per ch'i funcziuna

Gist en temps extraordinaris è la communicaziun ed il sustegn moral d’enorma impurtanza.

45 letgs stattan a disposiziun per pazients cun il coronavirus, in augment è organisà. Insumma tut l’infrastructura è preparada a differents scenaris.

Ils temps extraordinaris pretendan soluziuns extraordinarias era tar il persunal. Per il directur Joachim Koppenberg èsi impurtant, ch'il persunal saja adina infurmà bain ed haja la pussaivladad da pudair sa recrear uschè bain sco pussaivel.

audio
Il persunal e la basa per tgi funcziuna
ord Actualitad dals 24.03.2020. Maletg: rtr
laschar ir. Durada: 3 minutas 1 Secunda.

In'app interna per il persunal

Tut il persunal ha in'app speziala sin il telefonin. Mintga di ha el uschia la pussaivladad da vegnir infurmà davart mesiras e davart la segirezza, ma oravant tut era davart pussaivladads per sa recrear e dumandar agid psicologic. In'infurmaziun transparenta e persunala saja impurtant per mantegnair la motivaziun, uschia il directur.

Cun quest persunal motivà sun jau persvadì da superar questa situaziun extraordinaria
Autur: Joachim Koppenberg Directur dal CSEB

In local per sa recrear

Il local da fisioterapia e vegnì fabritgà enturn e stat a disposiziun per sa retrair in mument da la hectica, tadlar musica e s’occupar in curt mument cun auters temas. In lieu da recreaziun per esser lura pront per il proxim servetsch.

RTR actualitad 12:00

Artitgels legids il pli savens