Siglir tar il cuntegn
cuntegn

Engiadina Ospital Engiadin'Ota - efficienza maina al success

Malgrà la gronda concurrenza e las tariffas che crodan dad onn ad onn en Svizra, nodan l'Ospital Engiadin'Ota ed era la chasa d'attempads e da tgira Promulins in gudogn per il 2017.

La chasa dal ospital Engiadin'ota a Samedan
Legenda: Ospital Engiadin'Ota a Samedan RTR, David Spinnler

Ina planisaziun consequenta dals ultims onns mussa fritgs. La direcziun ha, ensemen cun la cumissiun da l'Ospital Engiadin'Ota, optimà ils process da lavur ils ultims onns cun la finamira da daventar in tut las partiziuns marcantamain pli effizients. Il resultat sa lascha mussar: l'Ospital Engiadin'Ota ha fatg in gudogn da 2,6 milliuns francs l'onn 2017.

2800 pazients staziunars e radund 20'000 cas ambulants èn vegnids tgirads l'onn 2017 en l'ospital a Samedan.

Asil d'attempads e da tgira Promulins

Promulins ha fatg 200'000 francs gudogn - quai segira era causa ch'ils mezs èn stads duvrads a moda adequata dals onns passads. En la chasa d'attempads e da tgira stattan radund 90 persunas permanentamain.

La conferenza da presidents da l'Engiadin'Ota ha consentì ils 2 quints allegraivels. L'import da 1,4 milliuns budgetads da las 11 vischnancas na sto en quest cas betg vegnir exaurì.