Siglir tar il cuntegn

Engiadina Ospidal Val Müstair tschertga la collavuraziun sur il cunfin or

La collavuraziun sin il sectur da sanadad tranter las regiuns dal Tirol dal Sid e la Val Müstair dess vegnir reactivà – quai davos ina pausa da 9 onns.

Represchentants da la Provinza da Bulsaun, dal Chantun Grischun, dals vitgs dal Vnuost e la Val Müstair han decis da collavurar ensemen.
Legenda: Represchentants da la Provinza da Bulsaun, dal Chantun Grischun, dals vitgs dal Vnuost e la Val Müstair han decis da collavurar ensemen. Center da sandà Val Müstair

Gia avant 9 onns han gì lieu discurs tranter il Vnuost (Tirol dal Sid) e la Val Müstair. Quella giada senza resultats concrets. Quai as dess ussa midar.

Intensivar la collavuraziun

La provinza autonoma da Bulsaun el Chantun Grischun vulessan optimar la collavuraziun sin il sectur da sanadad. Per daventar bainspert concret e vegni fundà in team da persunas or dal sectur strategic e politic. La finamira è da realisar in document da basa che descriva ils basegns plausibels, quai enfin il pli tard la fin dal mais settember 2017.