Siglir tar il cuntegn

Header

video
Il traject dal Bike-Maraton tranter Scuol e S-charl
Or da RTR dals 22.08.2017.
laschar ir. Durada: 1 minuta 48 Secundas.
cuntegn

Engiadina Organisaturs dattan tut – traject dal Bike-Maraton è quasi pront

Il traject per la pli gronda cursa da bike en Svizra, il Bike-Maraton enturn il Parc Naziunal Svizzer, vegn ad esser pront per ils radund 2’000 sportists – e quai malgrà las grondas malauras da questa stad.

audio
Saira: Il Bike Maraton Parc Naziunal e las bovas
ord Actualitad dals 22.08.2017.
laschar ir. Durada: 2 minutas 50 Secundas.

137 kilometers sin vias champestras, sur pass ora, tras guauds e sper prada e vitgs vi – quai è il traject dal Bike-Maraton enturn il Parc Naziunal Svizzer. Esser pront sin il grond di è ina sfida per ils organisaturs. Oravant tut perquai che las malauras avevan devastà questa stad il traject en divers lieus.

La via da val S-charl era vegni pertutgà fitg ferm da malauras. In chavaterra refà ils dons
Legenda: La via da Val S-charl (a sanestra tut lung il grip) era vegnida donnegiada fermamain da las malauras. RTR, Reto Mayer

Ils trais puncts neuralgics èn:

  • Val S-charl (Scuol): La via da la Val S-charl era vegnida devastada sin plirs kilometers. Grazia al grond engaschament da la vischnanca da Scuol è quella part uss puspè bain transibla. Pervi da las malauras è la via pli loma sco auters onns. Ir sin quest traject vegn ad esser pli grev.
  • Val Mora (Val Müstair): Er in Val Mora han devastà trais bovas il traject dal Bike-Maraton. Là ha la gruppa da lavur da la vischnanca da Val Müstair procurà, ch'era questa part da la via è uss en in bun stadi per traversar cul bike.
  • Pass Chaschauna (Livigno – S-chanf): Da la vart da Livigno è il traject en fitg bun stadi. Da la vart vers S-chanf è la gruppa da lavur da la vischnanca da S-chanf anc vidlonder da refar ils donns da las ultimas malauras. Enfin il di da la cursa prevesan ils organisaturs d’esser pronts. Il president dal comité d'organisaziun Claudio Duschletta propona da descender dal bike e chaminar. Be fitg buns bikers duajan ristgar da restar sin il bike.

La prevista da l’aura è buna per l’emna avant il 16avel Bike-Maraton. Quai fa speranza ch'i na dettia betg pli surpraisas e che la cursa po vegnir manada tras sin il traject original enturn il Parc Naziunal Svizzer.

RR actualitad 17:20

Artitgels legids il pli savens