Ils organisaturs da l'Open Air Chapella, il pli vegl Open Air dal Grischun, na san anc betg, schebain l'eveniment vegn organisà quest onn u betg. Quai rapporta il schurnal regiunal dad SRF. Bain registrescha Chapella normalmain mo 4 fin 500 audituras ed auditurs, repartids sin ina fin d'emna, uschia che la regla da 300 persunas a la giada vegniss resguardada.
Damai che tantas autras occurrenzas vegnan dentant desditgas quest onn, teman ils organisaturs in chatsch. Decidì definitivamain vegn mez zercladur.