Siglir tar il cuntegn
cuntegn

Engiadina Onn difficil per la Bieraria Tschlin

75'000 francs deficit ha la bieraria fatg l'onn 2016. Raschuns datti pliras. La midada da Tschlin a Martina ed era problems cun l'indriz da metter en buttiglia.

La biera da Tschlin.
Legenda: La biera da Tschlin. ANR

Ils responsabels da la Bieraria Tschlin èn stads realists avunda che l'onn 2016 daventia in onn negativ, almain quai che pertutga las finanzas. Cun dar a la bieraria in nov e pli grond dachasa a Martina, è la producziun stada airi ils mais schaner e favrer. Vitiers hai dà problems cun l'indriz da metter en buttiglia. Grazia a l'augment dal chapital d'aczias han ins pudì cumprar ina nova maschina.

Da 1'250 sin 2'000 hectoliters

La Bieraria Tschlin producescha cuntinuadamain dapli biera. Uschia è la producziun vegnida dublegiada sin 1'250 hectoliters l'onn passà. Uonn duess la marca da 2'000 hectoliters esser pussaivla. Quai saja il cunfin, di Reto Rauch, il gestiunari da la Bieraria Tschlin. Gidar a scriver cifras nairas duain era novas sorts da biera. Dentant datti quatter sorts da la biera engiadinaisa. La novissima creaziun, quella cun furment da la Val Müstair.

RR actualitad 07:00