Sco quai che la destinaziun turistica Scuol Samignun Val Müstair (TESSVM) communitgescha, serra il rendaquint 2015 cun in deficit da 40’000 francs. Cun quest resultat sajan ins puspè sin buna via. Il 2014 aveva la destinaziun chaschunà anc in deficit da bunamain 200’000 francs.
Quest deficit pli pitschen è tenor la destinaziun turistica d’attribuir a contribuziuns extraordinarias dals acziunaris e diversas mesiras da respargn tar il persunal e tar il marketing.
Plinavant ha il directur Urs Wohler avertì ch’ins na possia betg surprender sulettamain la responsabladad per il svilup da las cifras da pernottaziun. Quellas èn tenor Wohler anc dependentas da divers auters facturs externs. Sco per exempel, la strategia ubain las mesiras da mintga singul actur en il turissem.
RR novitads 06:00