Siglir tar il cuntegn
cuntegn

Engiadina Onn da gestiun cuntentaivel per il Bogn Engiadina Scuol

Il Bogn Engiadina Scuol (BES) ha pudì augmentar il dumber d’entradas l’onn 2016. Cun bundant 185’000 entradas è quella cifra per 5,1% pli auta cumpareglià cun l’onn avant. Er la svieuta ha il Bogn Engiadina Scuol pudì augmentà levamain.

Il batschigl dadora dal Bogn Engiadina Scuol
Legenda: Il batschigl dadora dal Bogn Engiadina Scuol ANR

Il fatg ch’il Bogn Engiadina Scuol ha pudì registrar in augment d’entradas saja allegraivel, quai suenter che l’onn 2015 saja stà in dals pli nauschs èn l’istorgia dal bogn, uschia il directur Gerhard Hauser. Il resultat dal 2016 è vegni cuntanschì malgrà la situaziun difficila sin il martgà turistic.

Er tschellas partiziuns cun resultats èn ils roms dals onns avant

Tar il bogn roman-irlandais èn las cifras d’entradas restadas pli u main sumegliantas sco il 2015. Quest resultat era sin il nivel il pli bass dals ultims tschintg onns. Perencunter è creschida levamain l’occupaziun dal center da terapia. Quai saja in pass en la dretga direcziun, dentant betg dapli e betg damain di Gerhard Hauser. La finamira per ils proxims onns saja claramain d’augmentar quellas cifras.