OEE: Han ellas dabuns tar las vischnancas da l'Engiadina Bassa?

Las Ouvras electricas Engiadina OEE vulan sclerir sch’ellas han dabun daners da las vischnancas da l’Engiadina Bassa. Quai per il diever da la rait damai che las vischnancas na retiran betg tut l'energia da las OEE

Laschar ir video «Pajar u betg? Las Ovras electricas Engiadina vulan daners per la rait»

Pajar u betg? Las Ovras electricas Engiadina vulan daners per...

2:22 min, Telesguard dals 13.6.2016

Cun dar ils dretgs d'aua a las Ouvras Electricas d'Engiadina OEE dastgan las vischnancas retrair l’energia da l'OEE senza pajar per il diever da la rait. Uss retiran las vischnancas en l’Engiadina Bassa dapi radund 2 onns e mez ina part dal current electric d’in auter furnitur.

Per retrair questa energia sur la rait da las OEE saja dentant necessaria in'indemnisaziun, quai communitgescha l’OEE e sa basa sin ina decleranza da la cumissiun federala per l'electricitad ElCom. L’OEE giavischa uss da l'ElCom in scleriment liant da la situaziun legala en l’Engiadina Bassa.

Suprendì da las pretaisas

La centrala da las Ouvras Electricas Engiadina SA a Pradella.

Legenda da maletgs: La centrala da las Ouvras Electricas Engiadina SA a Pradella. mad

Not Carl, il president da las vischnancas da concessiun da las Ouvras Electricas d'Engiadina OEE è surprais da questa pretensiun. Las lescha sin la quala las OEE sa basian saja en vigur gia dapi radund 7 onns. Uschia saja quai curius che las OEE veglian gist ussa che las vischnancas duain pajar ils custs per il diever da la rait. Not Carl interpretescha l'agir da las OEE en connex cun la situaziun finanziala sin il martgà d'energia che vegnia adina pli difficila per ovras electricas.

RR novitads 10:00