Siglir tar il cuntegn

Header

cuntegn

Engiadina Observatori «Lü-Stailas» mida a Luzein

En futur duai l'observatori vegnir manà sin territori da la vischnanca da Luzein en il Partenz.

  • L'observatori vegn manà en futur sin il territori da la vischnanca da Luzein.
  • Perquai ch'ils manaders n'han betg pudì pajar enavos a la vischnanca ina summa da 260'000 francs, è gia avant in onn sa cristallisà or che l'observatori vegnia a bandunar Lü.
  • Tge che capita cun il pajament n'è anc betg cler. Las duas partida èn anc vid contractar.

Tranter Luzein e St. Antönien ha il pèr che ha manà l'observatori a Lü prendì a tschains ina chasa. Là duain ils curs enturn ils purtrets da stailas al tschiel da la notg cuntinuar a partir da l'avrigl. Quai ha ditg il manader da l'observatori, Vaclav Ourednik al schurnal regiunal dad SRF.

Per ils manaders è quai in nov cumenzament. Vaclav Ourednik è segir ch'i funcziuna uss er finanzialamain: «Perquai che nus prendain be a tschains la chasa essan nus finanzialmain pli independents che avant en la Val Müstair.» La vischnanca na saja betg involvida finanzialmain uschia ch'i pudess funcziunar meglier.

RR novitads 09:00

Artitgels legids il pli savens