Siglir tar il cuntegn
Inhalt

Engiadina Observà in urs a Strada en l'Engiadina

La notg sin il glindesdì è vegnì observà in urs en l'Engiadina Bassa a Strada. L'animal haja traversà la via chantunala en direcziun Tschlin, communitgescha l'Uffizi da chatscha chantunal. L'observaziun saja vardaivla. Gia l'emna passada era vegnì vesì in urs en il terrotori dal pass dal Raisch.

in urs brin va sur in rom
Legenda: In urs en la vischinanza da Scuol, 2012 (maletg simbolic) Keystone

Tenor l'Uffizi da chatscha pudess quai sa tractar da l'urs masculin M32 che ha laschà ses fastizis en la Val Müstair ed il Vnuost.

Igl è l'emprima observaziun da l'urs dapi il settember passà. Ils purs ed apiculturs sajan vegnids infurmads, uschia scriva l'uffizi chantunal.

RR novitads 14:00