Siglir tar il cuntegn

Engiadina «Nus vain schon anc cornas»

Festa da giubileum per il 50avel Maraton da skis engiadinais. La regenza grischuna porta quest onn ina corna da capricorn specialmain bella per ils victurs.

cursa da sprint al maraton.
Legenda: Atmosfera da cursa durant la sairada da giubileum per il Maraton da skis engiadinais. RTR, David Spinnler

La festa da giubileum per il 50avel Maraton da skis engiadinais è atgnamain stada il program da pausa dal sprint da notg. Il sport duai star en il center, quai ha era punctuà il president dal Maraton da skis engiadinais, Urs Pfister.

Il president da la regenza grischuna Mario Cavigelli ha ludà il maraton sco eveniment impurtant per il chantun. Il chantun haja anc avunda cornas da capricorns per ils victurs da questa cursa. Ed il president dal Cussegl grond Martin Aebli ha ditg, che sch'i na dess betg gia il maraton, stuess'ins inventar el.

Victorias norvegiaisas al sprint da notg

Marie Eide ed Even Northug da la Norvegia han gudagnà il 38avel sprint da notg dal Maraton da skis engiadinais. Tar las dunnas è l'Engiadinaisa Fabiana Wieser daventada 3.

RR actualitad 08:00