Siglir tar il cuntegn

Header

Navigaziun

cuntegn

Engiadina «Nus avain gì vairamain gronda fortuna»

Andrea Buchli era en la val S-charl per guardar, tge lavurs da mantegniment ch'i fiss da far vi dad ina chasa. Las bovas èn lura s'annunziadas cun in'interrupziun dal current. Da la bova han Buchli e sia dunna dentant pir prendì enconuschientscha, cura ch'els han vesì quella che interrumpeva la via.

Uschia n'hai dà nagut auter che turnar enavos e durmir en in hotel. L'autra damaun han ils Buchlis anc ina giada prendì en mira la bova, e là saja vegnì conscient ad els, tge fortuna ch'els hajan gì, di Andrea Buchli.

La proxima giada ch'i plova uschia, restain nus a chasa.
Autur: Andrea Buchli

Cunquai che la bova era uschè gronda che la via restava serrada intgins dis, han ils Buchlis decidì dad ir a chasa sur il Tamangur, sin l'alp, enfin a Lü en la val Müstair, e davent da là a Sent. Grazia ad enconuschents han els pudì far quai viadi cun auto.

Els hajan gì cletg en il discletg, di Andrea Buchli. Dentant la proxima giada ch'i plovia uschia, restian els a chasa. Quai saja stà ina scolaziun, speria el.

Legenda: Guardar il video Inundaziuns e bovas en la vischnanca da Scuol. Durada 01:48 minutas.
Or da Actualitad video dals 24.07.2015.