Siglir tar il cuntegn
cuntegn

Engiadina Novs statuts e nova direcziun per maraton da skis engiadinais

La radunanza extraordinaria dal maraton da skis engiadinais ha approvà ils novs statuts ed elegì la nova suprastanza. Suenter Ivo Damaso surpiglia ina nov'organisaziun il timun da la societad.

maraton
Legenda: La pli gronda cursa populara da passlung ha ina nova organisaziun. swiss-image.ch

Punct central dals novs statuts è ina nova structura che separa dapli las duas partiziuns operativ e strategic. La veglia suprastanza era cunter la revisiun ed ha demissiunà sin la fin d’avrigl 2016.

Buna bilantscha suenter 6 cursas

Ivo Damaso ha tratg en ses ultim rapport da president ina buna bilantscha. Il numer da participaziun s’haja augmentà da radund 11’000 curriders sin passa 13’000.

Novas structuras

Cun Urs Pfister (president), Beat Gruber (vizepresident), Hansjörg Trachsel, Vic Jacob ed Andi Grünenfelder surpiglia la nova suprastanza l’organisaziun. Menduri Kasper cumenza cun sia lavur sco CEO dal maraton da skis engiadinais als 2 da matg. El vegn sustegnì da trais collavuraturas en il secretariat.