Siglir tar il cuntegn

Header

cuntegn

Engiadina Novs plans per Hotel Collina a Puntraschigna

Sco che la possessura da l'edifizi ha preschentà al public durant ina saira d’infurmaziun, vul la chadaina da Sunstar Hotels realisar sin l’areal in nov concept cun pliras variantas d’abitar.

Dad ina vart è planisà da porscher en avegnir 14 unitads d’abitaziuns dad ina stanza, da l’autra er 43 stanzas convenziunalas d’hotel. En tut prevesa il project Hotel Collina 110 letgs. Tenor infurmaziuns dal CEO Beat Hess, fetsch'ins quint cun in volumen d’investiziun da 30 milliuns francs.

Concept hotel ibrid

Planisà è da realisar dus annexs sper l’edifizi existent, d’engrondir la part existenta ed er d’integrar ina partiziun da wellness en l’hotel La Collina. Ultra da quai duain las stanzas er pudair vegnir duvradas tenor il concept d'ibrid. Per finanziar il project è previs da vender 4 abitaziuns (secundaras).

Anc plirs pass...

Ch’ins saja dentant pir al cumenzament dal project. Il plan prevesa d’inoltrar proximamain la dumonda da fabrica tar la vischnanca da Puntraschigna. Avant haja la chadaina Sunstar Hotels vulì infurmar ils vischins davart ils plans per l’Hotel Collina. Quel è dapi il 2011 en possess da la chadaina. Sche tut va tenor plan, vuless ins cumenzar cun las lavurs da bajegiar gia il 2019, per reavrir l’hotel il 2020.

Sunstar Hotels aveva gia preschentà il 2013 plans per renovar ed investir en l’hotel da quatter stailas a Puntraschigna.

RR novitads 06:00

Artitgels legids il pli savens