Siglir tar il cuntegn
Inhalt

Engiadina Novs investiders per pendiculara Lagalb

Sche ils investiders vegnan da ramassar ils 5 milliuns francs per il chapital d'aczias enfin la fin da zercladur 2016 è la pendiculara era en funcziun la proxima stagiun. Quai è vegni enconuschent oz a la radunanza generala da la Engiadina San Murezzan Mountains SA.

Legende: Video Emprim pass en direcziun salvament da la pendiculara da Lagalb abspielen. Laufzeit 02:42 Minuten.
Or da Actualitad video dals 04.04.2016.
Rainer Good e George Walliser
Legenda: Ils novs investiders da Lagalb: Rainer Good (san.) e George Walliser RTR/D. Müller

George Walliser da Bever e Rainer Good da Schlarigna èn ils investiders principals. Lur finamira è da fundar ina societad d'aczias cun in chapital da 5 milliuns francs fin il zercladur da quest onn. Walliser e Good sezs vegnan a sa participar cun 20% al chapital d'aczias.

La Engiadina San Murezzan Mountains SA vegn a gestiunar la pendiculara anc la stagiun che vegn, cun la garanzia dals investiders da surpigliar il deficit. Lasuenter duai la pendiculara vegnir gestiunda da la nova societad d'aczias durant l'enviern e da nov era la stad durant 4 mais sco eldorado per mountainbikers. Uschia vul ins diminuir in eventual deficit annual.

La Engiadina San Murezzan Mountains SA aveva decidì da serrar la pendiculara Lagalb sur Puntraschigna la fin da questa stagiun d'enviern, perquai ch'ins n'aveva mai cuntanschì ina gestiun senza deficit.

RR novitads 14:00