Novas localitads per cultura e pumpiers a Ramosch

En la zona da mastergn «Quadra Secha» a Ramosch, in fracziun da Valsot, datti in nov edifizi polivalent. La part impurtanta è in nov local da pumpiers, lura datti per las societads ina sala da cultura e duas garaschas per il lavuratori da la vischnanca.

Il stabiliment en quel quartier sa chatta sper il stradun, ed ha 3 auzadas. La part impurtanta è il local da pumpiers. Quel remplazzà il local vegl ch'era memia pitschen. Quest local è pli grond ed ha l’access direct al stradun.

Local aposta per la cultura

La segunda part impurtanta è la sala da cultura. Quella po vegnir duvrada da las societads. Ma oravant tut porta quella gronds avantatgs per las societads da musica che pon laschar tut lur instruments gronds en il local, senza stuair rumir tut suenter mintga prova.

RR actualitad 06:00