Ils radund 70 votants han uschia exprimì la voluntad da mantegnair il label Unesco da la Biosfera. Il contract da cooperaziun prevesa da furmar ina zona da tgira enturn la zona da minz sin ils territoris da la Val Müstair e da Scuol.
Uschia pon ins cuntanscher passa 60% da la zona da tgira, che l'Unesco aveva pretendì oriundamain per garantir vinavant il label Unesco. Ils uffizis chantunals e federals han signalisà da sustegnair quest agir.
Ussan ston era anc il Parc naziunal e la vischnanca da Scuol approvar il nov contract da cooperaziun. Quel prevesa tranter auter era che S-charl fa part da la zona da svilup dal reservat da Biosfera.
Gea era a statuts da la regiun Engiadina Bassa Val Müstair
La Val Müstair ha plinavant ditg gea als statuts da la nova regiun Engiadina Bassa Val Müstair. Quai sco prima da las 5 vischnancas Zernez, Scuol, Valsot, Samignun e Val Müstair. Questas 5 vischnancas furman la nova regiun a partir da l'onn 2016.
RR novitads 06:00