Nova schanza per hotel en Val Müstair

Il Parc hotel Staila a Tschierv ha novs possessurs: ina gruppa dad indigens ha fundà ina societad d'aczias e cumprà l'hotel da 3 stailas.

Laschar ir video «Nova schanza per hotel Staila en Val Müstair»

Nova schanza per hotel Staila en Val Müstair

2:35 min, Actualitad video dals 24.3.2015

Ina gruppa d'acziunaris indigens ha cumprà l'hotel Staila a Tschierv. Quai pervia ch’ils manaders actuals van en pensiun ed il possessur ha vulì vender l'hotel. La gruppa d'indigens ha fundà ina societad d'aczias aposta per la cumpra da l'hotel. Uschia han els vulì impedir che l'hotel serria las portas.

Hotel da 3* po render

Tant ils hoteliers partents sco era ils possessurs novs èn persvadì ch’in hotel da 3 stailas po avair success en Val Müstair. Ils hoteliers che van en pensiun han redublà il dumber da pernottaziuns da 2’000 sin 4’000 pernottaziuns. Ils novs possessurs sbassan ils pretschs per pernottaziuns per passa 10%. Quai per cumbatter la concurrenza vischina en il Tirol dal Sid.