Siglir tar il cuntegn
Inhalt

Engiadina Nova purschida al tunnel dal Vereina

Pervia da trid'aura cun naiv sin ils pass en l'Engiadina, circuleschan ils trens d’autos al tunnel dal Vereina fin a mesanotg. Quella nova purschida datti dapi questa stad. Uschia er dumengia ils 22 e glindesdi ils 23 d'october.

Relaziuns d'enviern al tunnel dal Vereina
Legenda: Relaziuns d'enviern al tunnel dal Vereina Swiss-Image

Questa purschida è vegnida elavurada ensemen cun la Viafier retica, la Polizia chantunala e l’Uffizi da construcziun bassa dal Grischun. Tenor l’urari da stad circuleschan ils trens al tunnel dal Vereina fin las 21:00. La prolungaziun en cas da trid'aura fin a mesanotg vala sco mesira segirezza per tut ils automobilist cun pneus da stad.

Purschida mo en cas da naiv sin ils pass

Sco quai che Simon Roner, il manader da transport d’autos al Vereina di vegn l’urari prolungà mo sche tut ils pass en l'Engiadina en cuverts cun naiv. Impurtant saja da s’infurmar oravant sin las paginas d’internet u tar la Viafier retica co la situaziun vesa ora. Il mais da november percunter vegn quella prolungaziun mo purschida en cas extrem. Cun il midament d’urari l'emprim da december circuleschan lura mintga di trens fin mesanotg.

RR actualitad 17:00