Siglir tar il cuntegn

Header

cuntegn

Engiadina Nova era tecnica a l’eroport da Samedan

L’eroport da Samedan lavura cun in nov sistem da sgol d’arriv instrumental che nizzegia la navigaziun da satellit. L’emprim aviun che ha duvrà il nov sistem è atterrà salv e bain.

L'aviun ch'è arrivà da Madrid saja vegnì dirigì entras Skyguide ed il eroport en in spazi da spetga sur l'Engiadina Bassa. Da là saja el arrivà via Zernez e vinavant en direcziun Samedan, quai communitgescha l'Engadin Airport SA. L'aviun saja lura sgulà cun l’agid dal sgol d’arriv instrumental GNSS tras ils nivels ed atterrà senza problems sin la pista a Samedan.

Be ina fasa d'emprova

Damai che l’eroport da Samedan n’ha nagina indriz da radar, èn be pussaivels quatter fin tschintg sgols ad ura sut cundiziuns da sgol instrumental. Durant il campiunadi mundial da skis alpin a San Murezzan vegni a dar ulteriurs sgols d'arriv cun instruments, dentant mo sco emprova. Il diever definitiv dal nov sistem è previs pir per l’enviern 2018/2019, sco la Engadin Airport SA scriva.

RR novitads 17:00

Artitgels legids il pli savens