Nova campagna da la destinaziun Engiadina San Murezzan

Ils giast da la zona da l’euro èn ids enavos dapi il 2011 e las prognosas mussan che quel martgà na crescha era betg pli ils proxims 5-8 onns. La destinaziun Engiadina San Murezzan ha perquai sviluppà 6 novas mesiras per reagir - era sin il ferm franc svizzer.

Persunas ad aperò

Legenda da maletgs: 200 persunas eran preschentas a la prevista sin la stad da la destinaziun Engiadin San Murezzan RTR, V.Rominger

In punct impurtant da las 6 mesiras è la nova campagna «Heimvorteil» che la destinaziun lantscha questa stad, sco emprim per il martgà svizzer. La destinaziun Engiadina San Murezzan craja da dasdar in fieu intern tar tut ils participads vi da la campagna. In fieu che duess lura ir en tut la Svizra, pli tard era en ils martgads da l’euro internaziunals. Per questa nova campagna da stad investescha la destinaziun radund 180'000 francs.