Siglir tar il cuntegn
Inhalt

Engiadina Nova basa per il mantegniment da vias sin il Pass dal Bernina

La regenza ha approvà il project per construir la nova basa per il mantegniment da las vias sin il Pass dal Bernina, quai cun cundiziuns e permissiuns spezialas.

Ina visualisaziun dal project dal biro d'architectura Bearth e Deplazes.
Legenda: Ina visualisaziun dal project dal biro d'architectura Bearth e Deplazes. MAD

Cunquai ch’il Pass dal Bernina è dapi l’onn 2005 averts l’entir onn dovra quai ina basa per mantegnair las vias. Las localitads che vegnan actualmain duvradas per quai intent n’èn betg pli adattadas, èn memia pitschnas ed èn en possess privat. Gia avant in onn ha la regenza incumbensà il biro d’architectura Bearth e Deplazas da Cuira cun la construcziun da la nova basa. Els avevan gudagnà la concurrenza per il project.

Attracziun turistica

Ina particularitad dal project è l'uschenumnada camera obscura sin il spitg dal silo, ch'è ina attracziun publica. La camera obscura po vegnir visitada durant ils mais da stad ed haja potenzial turistic.

RR novitads 10:00