Siglir tar il cuntegn
Inhalt

Engiadina Nov schef da finanzas per il Maraton da skis engiadinais

Daniel Barmettler è il nov schef da finanzas dal Maraton da skis engiadinais

Curriduras
Legenda: Il Maraton da skis engiadinais ha in nov schef da finanzas. Il Maraton da skis engiadinais RTR

La radunanza extraordinaria da la societad dal Maraton da skis engiadinais ha elegì mesemna saira Daniel Barmettler sco nov schef da finanzas. Il post era vacant. En pli ha elegì la radunanza extraordinaria Jan Steiner sco nov schef d'arrivada a Puntraschigna.

La radunanza n'ha betg gì autras tractandas. Las dispitas pervia dals novs statuts da la societad n'èn dentant anc betg schliadas. Pervia da quellas aveva la suprastanza dal Maraton da skis engiadinais decidì la fin d'avust da sa retrair en globo.