Siglir tar il cuntegn

Header

Navigaziun

Lyceum
Legenda: Il Lyceum Alpinum a Zuoz ha a partir da mars 2018 in nov rectur. ANR
cuntegn

Engiadina Nov rectur per Lyceum Alpinum Zuoz

Il prim da mars 2018 surpiglia Christoph Wittmer il post sco rectur dal Lyceum Alpinum a Zuoz, quai scriva la scola en ina communicaziun. Christoph Wittmer suonda a Karsten Plöger ch'aveva surpiglià ad interim suenter che Balz Müller aveva demissiunà la stad 2016.

Actualmain è Wittmer rectur a la scola chantunala Enge a Turitg. El ha 53 onns è maridà ed ha 2 uffants creschids. Tenor il cussegl administrativ dal Lyceum haja el la qualificaziun, visiuns e l'entusiassem necessari per la scola per manar e sviluppar enavant il lyceum.

Tenor la communicaziun da la scola sajan s'annunziadas numerusas persunas internaziunalas cun grond'experientscha da manar scolas. Karsten Plöger ch'aveva surpiglià ad interim l'incumbensa sco rectur, turna en sia veglia posiziun sco manader da la partiziun internaziunala da la scola.

RR novitads 12:00