Nov’entschatta cun nov num

La suprastanza communala da Val Müstair ha decidì da midar il num da ses parc regiunal. La «Biosfera Val Müstair» ha num a partir dad ussa «Parc da natüra Val Müstair».

Visualisaziun dal nov nom per il parc regiunal «parc da natüra Val Müstair».

Legenda da maletgs: Visualisaziun dal nov nom per il parc regiunal «parc da natüra Val Müstair». RTR, David Spinnler

La «Biosfera Val Müstair» daventa il «Parc da natüra Val Müstair». Cun stritgar il pled «Biosfera» or dal logo duaja vegnir pli clera la differenza tranter il parc da natira ed il «Reservat da biosfera Engiadina Val Müstair» da l’UNESCO, nua ch’il parc da natira fa part sco in da trais partenaris.

Confusiun da nums

En il passà ha questa problematica adina puspè chaschunà confusiun. Il «Parc da natüra Val Müstair» furma ensemen cun la vischnanca da Scuol ed il Parc Naziunal Svizzer il «Reservat da biosfera Engiadina Val Müstair».

Tenor il president communal Rico Lamprecht saja questa decisiun stada impurtanta, betg mo en vista a la confusiun da nums, mabain era per signalisar la nova entschatta en vista a la visiun «Val Müstair 2025» preschentada avant dus mais.

RR novitads 10:00