Siglir tar il cuntegn
Inhalt

Engiadina Nov dachasa per las randulinas en Engiadina Bassa

A Guarda datti radund 50 gnieus novs per randulinas. En collavuraziun cun la staziun ornitologica Svizra Sempach ha la scola primara d’Ardez realisà quai project.

Legende: Video Segundas abitaziuns per randulinas abspielen. Laufzeit 02:18 Minuten.
Or da Actualitad video dals 12.04.2017.

L'emprima giada è vegnì fatg in tal project a Lavin. Avant trais onns èsi vegnì mess ora 30 gnieus. Da quels han las randulinas fatg diever da radund 20, quai ch'è tenor Jürg Wirth il coordinatur regiunal da la staziun ornitologica in grond success.

In gnieu da randulinas natirals, 2 fatgs dals scolars d’Ardez
Legenda: In gnieu da randulinas natirals, 2 fatgs dals scolars d’Ardez Armon Schlegel

Lavur da prevenziun a favur da las randulinas

Betg che la situaziun da las randulinas en Engiadina fiss critica, ma cun adina dapli surfabricaziuns e plazzas asfaltadas manca als utschels la belma ed auters materials per fabritgar il gnieus. Quai è il motiv ch'i vegn ussa fatg per la segunda giada quell'acziun en Engiadina Bassa.

Ils scolars profitan er da quella lavur

La scola primara d'Ardez emprenda uschia d'enconuscher la vita da las randulinas cun lavur pratica en la natira. Ils scolars vegnan ad accumpagnar il svilup da las randulinas durant tut la primavaira. La fin vegnan els a savair quantas randulinas ch'han fatg diever da quels gnieus e quants cuaditschs ch'i ha dà.

RR actualitad 17:00